সেউজ নিজৰা – An Open Desk For Nature Lovers

নতুন প্ৰজন্মক প্ৰকৃতি জগতখনৰ বিষয়ে গুৰুত্ব দিয়াৰ বা দায়বদ্ধ হোৱাৰ উদ্দেশ্যে নৰ্থ লখিমপুৰ বিশ্ববিদ্যালয়ৰ  অসমীয়া বিভাগৰ ড॰ অৰবিন্দ ৰাজখোৱা ছাৰৰ নেতৃত্বত অসমৰ ভিতৰতে প্ৰথমবাৰৰ বাবে ২০১৮ চনত স্নাতকোত্তৰ শাখাত প্ৰকৃতি সাহিত্য বিষয়টো পাঠ্যক্ৰমৰ লগত সন্নিবিষ্ট কৰা হয়৷ পৰৱৰ্তী পৰ্যায়ত স্নাতক শাখাটো এই বিষয়টো সন্নিৱিষ্ট কৰা হয়৷ 

প্ৰকৃতি সাহিত্য বিষয়টোৰ লগত প্ৰথম পৰিচিত হৈছিলোঁ স্নাতক তৃতীয় ষান্মাসিকত৷ স্নাতক তৃতীয় ষান্মাসিকত ‘প্ৰকৃতি সাহিত্য’ নামেৰে এখন কাকত পঢ়িবলৈ পাইছিলোঁ৷ তেতিয়াৰেপৰাই প্ৰকৃতি জগতখনৰ বিষয়ে বহু কথা জানিব পাৰিছিলোঁ৷ 

তাৰ পিছত সপ্তম নৰ্থ লখিমপুৰ কলেজ গ্ৰন্থমেলা ১৯–০৩–২০২৫ তাৰিখে দ্বিতীয় দিনাৰ প্ৰথম কাৰ্যসূচী হিচাপে অনুষ্ঠিত হয় নেচাৰ্চ বেকন আৰু অসমীয়া বিভাগৰ উদ্যোগত বনৰীয়া চৰাই সংৰক্ষণ আৰু সজাগতাৰ ওপৰত এখন আলোচনা চক্ৰ আৰু কৰ্মশালা৷ য’ত বনৰীয়া চৰাই সংৰক্ষণ আৰু সজাগতাৰ ওপৰত কিছু কথা কয়৷ যাৰ পৰা আমি এই বিষয়টোৰ বিষয়ে বহু কথা জানিব পাৰিলোঁ৷ 

 ২৫–০৬–২০২৬ তাৰিখৰ দিনা নেচাৰ্চ বেকন আৰু নৰ্থ লখিমপুৰ বিশ্ববিদ্যালয়ৰ শিক্ষাগুৰুসকলৰ সহযোগত অসমীয়া বিভাগৰ পঞ্চম ষান্মাসিকৰ ছাত্ৰ–ছাত্ৰীৰ সৈতে চৰাই পৰ্যবেক্ষণৰ কৌশল, সংৰক্ষণ আৰু সজাগতাৰ বিষয়ে এখন আলোচনা সভা অনুষ্ঠিত কৰা হয় আৰু এই আলোচনা সভাত এই বিষয়টোক ইণ্টাৰ্ণশ্বিপৰ বিষয় হিচাপে লোৱা হয়৷ এই আলোচনা সভাত উপস্থিত থাকে নৰ্থ লখিমপুৰ বিশ্ববিদ্যালয়ৰ অসমীয়া বিভাগৰ শিক্ষাগুৰুসকল, বিভাগৰ ছাত্ৰ–ছাত্ৰীসকলৰ লগতে নেচাৰ্চ বেকনৰ সঞ্চালক সৌম্যদ্বীপ দত্ত ছাৰ আৰু নেচাৰ্চ বেকনৰ সক্ৰিয় সদস্য যুগল সন্দিকৈ ছাৰ৷ আমাৰ সৌভাগ্য যে নেচাৰ্চ বেকন সংগঠনটোৰ হৈ কাম কৰাৰ সুযোগ লাভ কৰিলোঁ৷ এই ইণ্টাৰ্ণশ্বিপটো আমি তিনিটা পৰ্যায়ত শেষ কৰিছিলোঁ৷ প্ৰথমে আমি চৰাই পৰ্যবেক্ষণ আৰু এই বিষয়টোৰ ওপৰত অধ্যয়ন কৰিছিলোঁ৷ দ্বিতীয়তে কেইখনমান বিদ্যালয়ত গৈ এই বিষয়টোৰ ওপৰত ছাত্ৰ–ছাত্ৰীসকলক অৱগত কৰাওঁ৷ শেষৰটো কাৰ্যসূচী হিচাপে আমি লখিমপুৰ জিলাত অৱস্থিত দুলুং সংৰক্ষিত বনাঞ্চললৈ যাওঁ৷