বনৰীয়া চৰাই সংৰক্ষণ উৎসৱ

২১/০২/ ২০২৬

ৰাতিপুৱা ৮ বজাত পবিতৰা অভয়াৰণ্যত জীপ চাফাৰী। 

অভিজ্ঞ প্ৰফুল্লই গাইড কৰিছে।পবিতৰাৰ শীতল অৰণ্য –কোলাহল ৰ মাজত প্ৰত্যক্ষ কৰিলোঁ – আঠোটাকৈ এশিঙীয়া গঁড়, এজাক বনৰীয়া মহ , এহাল  শিয়াল, এটা বন গাহৰি, হাইঠা– শৰালি ৰ জাক, এহাল ঈগল, কেইজনীমান ফেঁচা– মাছৰোকা, মৌপিয়া, মণিয়ৰি ,বালিমাহী, এজাক আলহী পক্ষী ….

  … ১০.২৫ বজাত মাইবং ইক‘ ৰিজৰ্টৰ সুসজ্জিত বাকৰিত “বনৰীয়া চৰাই সংৰক্ষণ আৰু প্ৰকৃতি – সাহিত্য” বিষয়ক কৰ্মশালা। বি বৰুৱা কলেজৰ প্ৰাণী বিজ্ঞান বিভাগৰ শিক্ষাৰ্থী সকল আহিছে। লগতে শিক্ষাগুৰু সকলো। নেচাৰ্চ বেকনৰ সঞ্চালক সৌম্যদ্বীপ দত্তৰ সৈতে মত বিনিময় কৰিলে –শিক্ষাৰ্থী সকলে।‌বিপুল দেউৰীদেৱে মেলি ধৰিলে প্ৰকৃতি সাহিত্যৰ ৰেহৰূপ। আমিও উপস্থাপন কৰিলোঁ আষাৰ চেৰেক।

  ২১/০২/২০২৬ দিনৰ ২ বাজি ৫৩ মিনিটত মাইবং ইক‘ ৰিজৰ্ট এৰিলো। স্বত্তাধিকাৰ নৃপেন নাথৰ সমৰ্পিত প্ৰকৃতি স্নেহত অভিভূত হলোঁ ।ডিব্ৰুগড় হৈ ঘৰ অভিমুখে। লগত কঢ়িয়াই আনিলোঁ – ” নামচাঙৰ অন্তেষপুৰ – সৌম্যদ্বীপ দত্ত,” দ্য ছৌল অৱ দ্য ৰাইন‘ – ভাষান্তৰ বিপুল দেউৰী, নেচাৰ্চ বেকনৰ মৰম, মাইবং ইক‘ ৰিজৰ্টৰ আতিথ্য, পবিতৰা বনৰীয়া চৰাই সংৰক্ষণ উৎসৱ,২০২৬ ৰ সেউজ অভিজ্ঞতা, ৰূপান্তৰৰ পথিক -. সৌম্যদ্বীপ দত্ত” শিৰ্ষক পুথি ৰ বাবে কৰা আমাৰ শ্ৰমৰ মিঠানুভৱ ইত্যাদি ইত্যাদি…

 স্থানীয় ৰাইজৰ প্ৰকৃতি সচেতনতা আৰু সহযোগীতালৈ যাচিলোঁ – আমাৰ সেউজ অভিনন্দন!

  প্ৰকৃতি সংৰক্ষণ আন্দোলনৰ সমৰ্পিত সংগঠন “নেচাৰ্চ বেকনৰ অংশীদাৰিত্ব আমাৰ সামান্য ‌জীৱনৰ বাবে এক সন্তুষ্টিজনক প্ৰাপ্তি।

 আহক, আমি আটায়ে ” পৃথিৱীৰ বাবে হৈ পৰো মংগলজনক“

 “নেচাৰ্চ বেকন“

… চৰৈৱতী চৰৈৱতী…