অৰণ্যৰ গান

জয়তু জয়তু অৰণ্য মাতৃ

জয়তু জয়তু অৰণ্য মাতৃ৷৷

প্ৰাণ প্ৰতিপালনৰ তুমিয়ে ধাত্ৰী

তোমাৰ বুকুতে প্ৰাণী আশ্ৰয় প্ৰাৰ্থী …

তুমিয়ে জীৱনৰ সুখ দাত্ৰী

তুমিয়ে প্ৰাণীকুলৰ প্ৰকৃতি মাতৃ৷৷

জয়তু জয়তু অৰণ্য ধাত্ৰী

জয়তু জয়তু অৰণ্য ধাত্ৰী৷৷

জগতৰ প্ৰাণী প্ৰতিপালিত হয় তোমাৰে বুকুত

অবিনশ্বৰ কৰুণা ধাৰা বয় তোমাৰ চকুত

মানৱৰ শত–সহস্ৰ অবিচাৰ, শত অন্যায়

ক্ষমা কৰা তুমি উদাৰ চকুত …

হে আমাৰ মহান অৰণ্য

তুমি ধন্য ধন্য ধন্য …

তোমাৰ কৰুণাত প্ৰাণ পায় অম্বৰ

তুমিয়ে সঞ্চাৰ কৰা মঙ্গলময় ডাৱৰৰ

তোমাৰ কৰুণাত অঝৰে ঝৰে বাৰিধাৰা …

হে অৰণ্য, তোমাৰ অবিহনে মানৱকুল হ’ব সৰ্বহাৰা

তুমিয়ে মহান অৰণ্য …

তোমাক ধন্য ধন্য ধন্য৷৷

গিৰি–পৰ্বত, পাহাৰ–ভৈয়াম, নদী–নিজৰা স্ৰত চঞ্চল

তোমাৰ আশীষত সদা বিউভল …

পত্ৰ–পুষ্প ৰঙতে উজ্জ্বল

বৃক্ষ বিচিত্ৰ কৰে ঝলমল৷

তোমাৰ ৰূপত, তোমাৰ সুগন্ধত

প্ৰাণীকুল যে সদা চঞ্চল —

তুমিয়ে মাতৃ তুমিয়ে ধাত্ৰী

পৃথিৱীৰ সকলো প্ৰাণী কুলৰ৷৷

লতা–গুল্ম, পুষ্প–পত্ৰ, ফল–মূল —

কীট–পতঙ্গ আৰু সমস্ত পক্ষীকুল,

বন্যপ্ৰাণীৰ আবাস তুমি —

তুমিয়ে যে মহান অৰণ্যভূমি

সকলো প্ৰাণীৰ তুমি জন্মভূমি৷৷

প্ৰাণ প্ৰতিপালনৰ তুমিয়ে ধাত্ৰী

তোমাৰ বুকুতে প্ৰাণী আশ্ৰয় প্ৰাৰ্থী

তুমিয়ে প্ৰাণীকুলৰ প্ৰকৃতি মাতৃ  —

 হে মহান অৰণ্য …

তুমি ধন্য ধন্য ধন্য …৷৷

হে মহান অৰণ্য …

তুমি ধন্য ধন্য ধন্য …৷৷