উৎস

ভাৰতৰ চুবুৰীয়া দেশ তিব্বত। প্ৰকৃতিৰ অপূৰ্ব সৃষ্টি এই দেশ কিন্তু বৰ্তমান পৰাধীন। তিব্বতৰ পৰিৱেশৰ গুৰুত্ব সমগ্ৰ পৃথিৱীৰ বাবে অপৰিসীম। চীনৰ লালসাই এই দেশৰ পৰিবেশ আৰু প্ৰকৃতিৰ প্ৰতি ভাবুকি কঢ়িয়াই আনিছে। ব্ৰহ্মপুত্ৰ, যি অসমৰ জীৱনৰেখা, এই তিব্বততেই তাৰ‌ সৃষ্টি। যেতিয়ালৈ শান্তিপ্ৰিয় , বুদ্ধৰ অহিংস দৰ্শনত বিশ্বাসী তিব্বতী সকল ইয়াত বসবাস কৰিছিল তেতিয়ালৈ ইয়াৰ নদী, পানী, বতাহ, মাটি বিশুদ্ধ আছিল। চীনে জোৰ জুলুম কৰি  এই তিব্বত অধিকাৰ কৰে আৰু ইয়াৰ শান্তিপ্ৰিয় মানুহবোৰক স্ব–দেশৰ পৰা বিতাৰিত কৰে। এই লোকসকল এতিয়াও আশাবাদী নিজৰ দেশলৈ ঘূৰি যোৱাত। তেওঁলোকৰ বিতাৰণৰ বিষাদ ব্যথা আজিও এক জীয়া কাহিনী। তিব্বতৰ প্ৰকৃতি আজি লালসাত পদপিষ্ট। তিব্বতৰ পৰিবেশৰ ক্ষতি আৰু ইয়াৰ ভয়াবহ পৰিণামৰ গুৰুত্ব বুজি  নেচাৰ্চ বেকন আৰু Free Tibbet-A voice from Assam এ আৰম্ভ কৰা ‘ছেভ চাংপো–চিয়াং– ব্ৰহ্মপুত্ৰ‘ আন্দোলনক প্ৰতিনিধিত্ব কৰা ‘উৎস‘ কবিতাটো দা চীডৰ পঢ়ুৱৈ সকলৰ বাবে আগবঢ়ালোঁ।